الدعايات : هي الشيء الممتع اللي بيطلع بنص الفلم لما ينطخ البطل وييجي بدو يموت … او كل خمس دقائق ب talk shows
الدعايات علم خرافي فيه مكر ونصب و تخويت على الناس … بس في دعايات عنجد بتخللي الواحد يبلّم …
زي دعاية صحابك زي بوكسراتك منها اللي معاك من وانت صغير و منها اللي عايز يتغير …
هوه ماختلفناش صحابي بوكسرات بس بشرفك مش هيك يعني …
لأ و الا النجمة * اللي بيحطوها جنب كل جملة … عشان المصداقية قال … هههه بس تحدي تقدر تقرأ شو المكتوب … بدك عدسة مكبرة , و بدك سرعة بديهة خرافيّه عشان تجيب هاي الجملة اللي بتطلع و بتختفي ب أبو ثانيتين … ايش يعني بدكم أقرأها والا لأ .. مش فاهم أنا
هوه والله أعلم إنه ما بيكونوا بدهم إيّانا نقرأها لإنوا بيكون فيها نفي للدعاية كلها .
مثلاً:
دعاية لشامبو :
بتلاقي طول الدعاية بيقولّك : جربيه ولاحظي التغيير من أول استعمال
عند النجمة* : النتائج لا تظهر الا بعد الاستعمال المنتظم ..
ايش بالزبط استعملوا والا لأ … والا بتقوللي إزا ما زبط عشعرك ضلّك متخورف واشتريه كمان مرتين تلاتة … لإنوا أنا حاتطلك شعر رونالدو و شارابوفا بالدعاية ..
و أكيد شارابوفا و رونالدو ما بيستعملوا …
يا زلمة و شرفي الشامبو تبعك غير صالح للاستخدام البشري … يا زلمة حتى لونه مُصمط ما فيّه أي نوع من الحياة
و أكيد ما بحكي عن كلير …. هههه
سيبونا من الشامبو ..
و ندخل على الكريمات :
بالدعاية : لاحظي تحسن لون البشرة بعد أول أسبوع
عند النجمة *: جُرّب على شلة نسوان بالمختبر وزبط على تنتين ..
عند النجمة التانية* : للحصول على أحسن النتائج يجب عدم التعرض لأشعة الشمس , أو ضوء القمر و حذاري من ضوء اللمبه .. و انتبهي من الاقتراب من ضوء الشمعة …
طيب بالنسبة للتنتين اللي زبط معهم كانوا مومياء اشي …
لأ وكله كوم و اللزقات اللي بتشفي من كل الأمراض كوم تاني :
الحلو بالموضوع انه ما في نجوم بهاي الدعايات .. يعني المصداقية تبعتهم بتنقّط ..
بيقولّك:
اللاصقة السحرية
لاصقة القضاء علي السموم
تعمل اللاصقة على العلاج والوقاية من الأمراض التالية
الصداع الشديد , التوتّر ,ارتفاع ضغط الدم , ضغط الدم السّكري , الجلطة , والذبحة الصدريّة , و الأورام السرطانيّة و امراض الكلى , و التهاب المفاصل و الروماتيزم , والاكتئاب والتوتر , و تجلط الدم , و و و …
بس إنّي أقدر أعرف الرابط العجيب بين هادي الأمراض مش قادر …
بس بيني و بينكم همّه بيقولوا “بأمر الله” … فأنا أتوقّع إنه هادي نوع من النجوم اللّي بتنحكا حكي … يعني إزا ما زبطت معك بيكون الله مش كاتب انها تزبط …
بس بعد التفكير العميق لقيت رابط عجيب ..
بتلاقي كتير من هالأمراض عند ستّك أو سيدك …
فلمّا يشوفوا الدعاية هات فهّمهم انه تخويت و ما في منّه هاد الحكي …
هههه …
ما علينا و قبل ما أختم بحب أحكيلكم انوا
90% من الأطبّاء ينصحون باسخدام صابونة بشرفك , و ذلك لقضائها على 99.9% من الجراثيم و البكتيريا المضرّة بالصحّة ….
* للحصول على أفضل النتائج , يرجى استعمالها بالتزامن مع صابونة ديتول
ههههههههههههههههههههههههه
…………………………………………………………………………
رايكم يهمّنا فلا تبخلوا علينا بكومنت ,لايك , شير
Copyright © 2012 Bsharafak
All Rights Reserved To Ahmad Al-Deleq
Like Us On Facebook
و هي دعاية اللزقة السحريّة للّي ما بعرفها
BSHARAFAK 
ههههههههههههه كلامك صح 🙂
Glad u like it 3a9em 🙂
lol..super like
so true!
hhhhh …thnxxx 🙂
والله كلماتك عالجرح ,, ودعايات الزبادي ,, كل مشاكل حياتهم الزوجية وغيرها حلها الزبادي ,,
ليش نبحت عن حلول لطالما لدينا أكتيفيا ههههههه ,, لا أخر دعاية بتحرقلى دمي عن جد
دعاية برنامج سكووب عال ام بي سي ,, اتمنى تشوفها ههههههه شو قال انجيلينا جولى عم تتصل فيها
ولا تحاولو يا مشاهدين سرقة تليفونها ,,
هههههه ….
قولك يعني كم وحدت أكتيفيا بدّي عشان أتزوّج … ههههههه
أنا عارف !.. باستهبلوا على هالناس … والمشكلة انّو الناس بتصدّق …
….
الحمد الله انها عجبتك 🙂
وشكراً جزيلا الك على المشاركة والتعليق 🙂
و ان شاء الله رح أشوفها لهادي الدعاية تبعت انجيلينا …. استشعرت بهبلها ..هههههه
ههههههههههه انت قبل لا تقرر تتزوج شوفلك بين جنب مصنع أكتيفيا وهيك بتضمن العروس بتجيك هههههه
اي خلاص شوف الدعاية ورد لى خبر 😉 ,ولا يهمك
ههههههه
شكلو رح أسوي هيك P: …
الدعاية …
مسخرة …
انصدمت لمّا شفتها أصلا ً..
حاولت أتقبّلها ما قدرت ….
مش عارف أعبّرلك الصراحة …
بس عنجد دعاية … بتصدم …
سخييييفة …ههههه
الله يعينّا على هبلهم …هههههه